الحياة في آلـMessenger

0

مثل منتم شآيفين تغيرت آلعلآقات من صآر فيه ماسنجر ..

خصوصاً الخمس سنوات الأخيرة .. قبل كانو بس الكبار عندهم ماسنجر

بس الحين لآ حتى طلاب الأبتدائي يحلوون واجباتهم مع بعض بالماسنجر

وصارو الناس مايشوفون بعض ألآ بالماسنجر ولايسولفون ألا بالماسنجر ,,

حتى بالبيت الواحد ينادون بعض للقهوه ويسألون عن اختبارات بعض بالماسنجرر ..

وتقريبا صآرت لنا حياة ثانيه في الماسنجر .. هذآ استعراض للأنواع الشخصيات بالماسنجر

مع شرح متواضع لكل نوع من وجهة نظر شخصيه ,,(( موضوع للتسلية فقط لآغير .. ))

الشخصية المتواجده 24 سآعه

هذآ أنسآن أو أنسآنه يترك جهازه مفتوح ليل نهار والماسنجر مفتوح وحاط بالخارج

ينام ويقوم ويسافر ويمرض ويطيب وينجح ويرسب ويتزوج ويطلق وهو بالماسنجر بالخارج ..

نادر اللي زيه مايتكلم مع أحد وأذآ تكلم نادر مايصير شخص ممتع وراعي سواليف أبد

هو عشانه دايم موجود الناس مايروحون يسولفون معه يحسبونه اضافه من الماسنجر

مايدرون انه شخص حي ويتكلم يحسبونه شكل .. ليش مايسكر الماسنجر أذآ صار مو محتاجه ولاوهو نايم ؟؟

محد يعرف السر هذا أبداً ولاتتوقعون انه ينتظر شخص معين ولايبي شي

لا هو بس بيثبت وجوده بالماسنجر لاغير ..

الشخصية المزعجة

هو شخص كلاممممممممه كثير ويجلس ظهور بدون أتصآل ويسكت ويتربص مايدخل متصل أبد لانه

يدري أذا شافوه الناس متصل ماراح يدخلون الماسنجر وأول ماتدخل الماسنجر من أول ثانيه من نافذة الدخول

يمسك أو تمسك نآفذه الدخول وخذ يآ أسئله وهلا والله ..

وينك ووش فيك ووش تسوي وأنتظرك وماشفتك << يآساتر يآساتر

شوي شوي خل آلبني أدم يتنفس

كل يوم نفس النظام ويزعل أذآ ماشافك كل يوم وينك امس ووش سويت وتحقيق ليش ماتدخل

ووش سويت يومنك مادخلت .. وعقب التحقيق يسولف يسولف يسولف مايعطيك فرصه تتكلم أبد ..

لين تقوله معليش جوالي يدق ولآ ألأهل ينادون علي ولا فيني نوم مواصل ..

ولاتسوي أنقطع الأتصال بالحالات الحرجه وتطلع

الشخصية الهاديه الناعمه المؤدبه

هم نآس مايتكلمون معك الا كل ثلاث ايام مره يجون يسلمون عليك أذآ كانو ماشافوك من زمان مره

ولا باقي الايام يعطونك أغنيه ولامقطع فديو ويعلقون عليه كلمتين ويمشون ..

الشخصية المصلحجية

هم نآس مايدرون أنك موجود بالماسنجر ألأ أذأ كانو يبون شي

يبيك تشرحله برنامج يبي منك رابط موقع يبي يسألك عن شي بعدين يصكك حضر ويختفي ..

آلشخصية البكآيه الشكايه ( أشين شخصيه بالوجود )[/center]

هو أنسآن أو أنسآنه كل توبكاته حزينه حزن وهم وأشياء تضيق الصدر و يجيك يسلم

شوي بعدين يقوم يشكي تقوله وش اخبارك يقول زفت تقوله كيف الجو ؟؟ يقول دمار

حزييييين دآيم حزين وعنده مشكله وعايش جو كئييب

دايما وعلطول عنده مشاكل ويشكي وتقدم له حلول تقول يارب اخر مره يشكي

لكن مع الأسف مسلسل الشكاوي مستمررر ماينتهي أبد ..

الشخص اللي محد يعرفه ,,

هو شخص ماتدري منهو ولا تدري متى أضفته وليش ؟؟ وأذآ جا يسلم يقولك هلا وينك تقوله والله طيب

انت كيفك وكيف أخبارك وأنت تقول في نفسك يله أن شاءالله الحين يقول كلمه ولا سالفه وأعرف منهو

بس تجلسون تسولفون ماتقدر تطلع مين .. ؟؟

لين يطيح الفاس بالراس ويقولك شكلك ماعرفتني تقوله وأنت منحرج صراحه لاآ

يقولك أنآ فلآن بعدين يزعل ويطلع ,,

الشخص اللي دايماًمعطينة بلوك..

هو شخص مانحبه ولايعجبنا أضفناه مجامله ولا صديق صديق صديقنا ..

مانبي نتكلم معه بس نخاف نحضره يقول لصديق صديق صديقنا ويزعل

فا نفتح عليه كل شهر مره الحضر شكلياً ونرجع نسكره مره ثانيه ..

[center]يتبع ..

0

شخصيات فوبيا الاتصال متصل

هذولا ناس مايدخلون متصل أبد أبد أبد

يخافون أحد يجي يكلمهم مايبغون احد ابدا يجي يكلمهم مع العلم ان ماسنجراتهم مليييييانه

مافيه أمل يدخل متصل وأذا حس مجرد أحساس أنه فيه أحد عرف أنه متصل يسكر الماسنجر

ويسكر الجهاز ويطلع من بيتهم مره وحده .. < بالغت شوي صح

أخر شخصية

هي شخصية الصديق الصدوق اللي ماتنبسط الا أذا شفته بالماسنجر بشوش عقلاني ممتع

تستانس معه ويستانس معك تسولفون سوا تشكيله يشكيلك بشكل سريع تحشون في الناس

سوى يسوي حركات ماصله كثيره بس ماتواخذه ولاتشره عليه لأنه صديقك ..

وأخيراً من أحلا الشخصيات بالماسنجر الأطفال وخصوصا توبكاتهم

اللي يكتب بررب أنا مشغول أحل واجبآتي واللي يكتب انا طالع مع أهلي للأستراحه

واللي جآلس أمشط شعري .. ولايغركم أنهم صغار دايما كاتبين مشغوووووول لحد يكلمني هههههه ..

موضوع آلنقآش ..

*كل شخص يكتب شخصيته أذآ كانت موجوده من الشخصيات اللي فوق ولا شخصية ثآنيه

ولآ يكتب شخصيآت غريبة عنده بالماسنجر ...

يعطيك العافية